Хувь заяагаар оногдсон хоёр дахь амьдралаа эх орон, ард түмнийхээ төлөө зориулах болно
(『Цөхрөл намайг хатуужуулж, найдвар намайг ургашлуулна』түүний намтар номноос)

2006 оны 5 сарын 20-ний өдөр орон нутгийн сонгуульд намаа дэмжих сурталчилгааны явцад үйл таних этгээдийн дайрсан хутганд баруун хацраа 11 см орчим зүсүүлэн халдлагад өртөв.

Хутганы зүсэлт цааш 5мм л гүн байсан бол 3 минутын дотор амьсгал хурааж болох ноцтой гэмтэл байв. Мэс засал хийлгэж байхдаа золгүйгээр амиа алдсан эцэг эхээ бодож байсан тэрбээр мэс засал дуусмагц түргэн тэнхрэхийг ерөөж байсан ард түмэндээ хандан талархлаа илэрхийллээ. Тэнгэр ивээж хоёрдахь амьдралыг хайрлалаа гэж тэр бодож байв.

“Багагүй урт амьдралыг туулсан минь дан ганц миний хүч байгаагүйг ухаарлаа. Хүний охорхон бодолд бол ганц өдөр ч тэвчимгүй цөхрөлийн мөчийг ч, хүний ахархан чадлаар бол тэсч дийлэмгүй явдлыг ч чимээгүйхэн даваад гарч чадсан нь миний амьдрал бол дан ганц миний амьдрал биш байсан учраас тэр юм. Одоо энэ мөчөөс, миний амьдралын бас нэгэн шинэ хувь заяаны зам нээгдэж байна. Би үүнээс зугтан зайлахгүй. Юу ч байлаа гэсэн би түүнийг хүлээн авч авч, даван туулах болно. Надад оногдсон үүрэг бол “Шинэ итгэл найдварыг бүтээх явдал” юм.”