Улс төрд ороод 6 жил болсон 2004 онд, түүний багтдаг Ханнара нам хууль бус сонгуулийн мөнгөний асуудал болон Но Мүхён ерөнхийлөгчийг огцруулах гэсэн сөрөг хүчний оролдлогын улмаас хүчтэй эсэргүүцэлтэй тулав. Тэр жилийн 4 сард болсон Үндэсний Ассамблейн сонгуулиар олонхийн байр сууриа алдлаа. Ханнара нам бутралын ирмэг дээр хүрсэн байв.

Хямралын ирмэг дээр тэрээр хэн бүхний зугтан зайлсхийж байсан намын даргын ажлыг авч “эвдэрхий онгоц”-ыг залуурдаж аюулаас бүрэн гаргасан юм.

Гэмшсэн сэтгэлээ илэрхийлж тэрээр намынхаа байрыг зарсны дараа хоосон газар дээр босгосон майхнаар намын байраа хийж, ард түмнийхээ өмнө толгой бөхийлгөн уучлал хүссэн бөгөөд авилгалыг бүр мөсөн устгахаа амласан юм.

Солонгосын улс төрийн намын түүхэнд анх удаа “доороос дээш нэр дэвшүүлэх тогтолцоо”-г нэвтрүүлж орон нутгийн шинэ хүмүүсийг дэвшүүлсэн бөгөөд “бодлого баримталсан, хууль тогтоох үйл ажиллагаанд төвлөрсөн, дижитал нам ” болгож өөрчилжээ.

Тэрээр Солонгосын улс төрийн түүхэнд байгаагүй ардчилсан улс төрийн шинэчлэлийг зоримог бөгөөд эрчимтэй хэрэгжүүлсэн юм.

Нэг үгээр “намын майхан байр” гэж дуудагдаж байсан түүний шинэчлэл өөрчлөлтийн удирдлага дор иргэдийн итгэл сэтгэл дахин сэргэсэн юм.

Түүнийг даргаар ажилласан 2 жил 3 сарын хугацаанд явагдсан 5 удаагийн парламентын гишүүний дахин болон нөхөн сонгууль мөн орон нутгийн сонгуулиар эрх баригч намд 40: 0 харьцаатай бүрэн ялалт байгуулав.

Пак Гын Хэ бол улс төрийн намын түүхэнд анх удаа өөрийн сонгуульт хугацааг бүрэн дүүргэж ажлаа өгсөн намын дарга бөгөөд дараагийн ерөнхийлөгчийн сонгуулийн хамгийн сонгогдох магадлал өндөртэй нэр дэвшигч болсон байлаа.